Զելենսկին մտադիր է հասնել Ռադայի պատգամավորների անձեռնմխելիության վերացմանը

19:08   21 Հուլիս 2019    139

Ուկրաինայի նախագահ Վլադիմիր Զելենսկին մտադիր է նոր Գերագույն ռադայի քննարկմանը ներկայացնել պատգամավորական անձեռնմխելիության վերացման մասին առաջին օրինագիծը:

Գերագույն ռադայի արտահերթ ընտրություններին քվեարկելուց հետո այդ մասին լրագրողների հետ զրույցում հայտնել է Ուկրաինայի նախագահը, որի հեռարձակումը վարել է «112 Ուկրաինա» հեռուստաալիքը:

«Կլինեն մի քանի օրինագծեր և ես վստահ եմ, որ մենք միասին կվերացնենք անձեռնմխելիությունը»,- հայտնել է Զելենսկին:

Հիշեցնենք, որ այսօր Ուկրաինայում մեկնարկել են Գերագույն ռադայի արտահերթ խորհրդարանական ընտրությունները: 225 պատգամավոր կընտրվի կուսակցական ցուցակներով, մյուս կեսը՝ մեծամասնական: Ընտրություններին կարող են մասնակցել միայն կուսակցությունները, անցողիկ շեմը կկազմի 5 տոկոսը։

Hayatsk.info

Հեշթեգներ: Զելենսկի  


Վերնագիրի այլ պիտակները