Եգիպտոսի նախագահը երկարացրել է երկրում արտակարգ դրության ռեժիմը

09:02   22 Հուլիս 2019    292

Եգիպտոսի նախագահ Աբդել Ֆաթահ աս Սիսին եւս երեք ամսով երկարացրել է երկրում արտակարգ դրության ռեժիմը: Այդ մասին կիրակի հայտնել է եգիպտական ազգային հեռուստատեսությունը:

Նշվում է, որ Եգիպտոսի առաջնորդը հրաման է ստորագրել հուլիսի 25-ից արտակարգ դրության ռեժիմը երկարացնելու մասին, տեղեկացնում է Hayatsk.info-ն:

« Երկրի զինված ուժերը եւ ազգային ոստիկանությունը պետք է ձեռնարկեն անհրաժեշտ բոլոր միջոցները ահաբեկչությանը հակազդելու եւ դրա ֆինանսավորման աղբյուրները վերացնելու, ամբողջ երկրում անվտանգությունն ապահովելու եւ ամրապնդելու, պետական սահմանները, ինչպես նաեւ հանրային եւ քաղաքացիների մասնավոր սեփականությունը պաշտպանելու ուղղությամբ»,-ասվում է Եգիպտոսի նախագահի ստորագրած հրամանում:

Հուլիսի 11-ին Եգիպտոսի խորհրդարանը հաստատել էր աս Սիսիի առաջարկը երկրի ամբողջ տարածքում արտակարգ դրությունը եռամսյա ժամկետով երկարաձգելու մասին: Դա արդեն նմանատիպ տասներորդ որոշումն է Եգիպտոսում, որն առաջարկել է հանրապետության նախագահը:

Hayatsk.info

Հեշթեգներ: Աշխարհ    


Վերնագիրի այլ պիտակները