Գերմանիայում կայացել է օդային անօդաչու տաքսիի փորձնական թռիչքը

09:37   15 Սեպտեմբեր 2019    124

Շտուտգարդում, Գերմանիայի հարավում, շաբաթ օրը, հաջողությամբ է անցել երկտեղ անօդաչու ուղղաթիռի ցուցադրական թռիչքը։

Hayatsk.info-ն հայտնում է, որ այս մասին Twitter-ի իր միկրոբլոգում հայտնել է արտադրող Volocopter ընկերության տեխնիկական տնօրեն Յան Հենդրիկ Բյոլենսը։

Ինչպես նշվում է Vision Smart City միջոցառման անոնսում, որի շրջանակներում անցկացվել է թռիչքը, այն դարձել է առաջինը խոշոր եվրոպական քաղաքում։ Էլեկտրական շարժիչներով գործող ուղղաթիռ-տաքսին չորս րոպե գտնվել է Mercedes-Benz թանգարանի մոտ՝ օդում։ Օդաչուն այն կառավարել է ցամաքից, ուղեւորներ սարքում չեն եղել։


Daimler ավտոկոնցեռնի կառավարման նախագահ Օլա Կալենիուսը, որ ներկա է եղել միջոցառմանը, վստահություն է հայտնել, թե ուղղաթիռ-տաքսին կօգնի լուծել խցանումների խնդիրը։ Daimler-ը մասնակցում է մի նախագծում, որի շրջանակներում ծրագրվում է, որ ապագայում ուղղաթիռը կկառավարվի ավտոնոմ, առանց մարդու միջամտության։ Volocopter ընկերության ղեկավար Ֆլորիան Ռոյտերը ակնկալում է 2-3 տարուց ուղղաթիռը որպես տաքսի օգտագործելու թույլտվություն ստանալ։

Hayatsk.info

Հեշթեգներ: Գերմանիա  


Վերնագիրի այլ պիտակները