Եվրախորհրդարանը նշել Է Brexit-ի պայմանագրի շուրջ քվեարկելու պայմանը

17:04   17 Հոկտեմբեր 2019    452

Եվրախորհրդարանը Brexit-ի պայմանների վերաբերյալ համաձայնագրի շուրջ չի քվեարկի, քանի դեռ դրան հավանություն չի տվել Մեծ Բրիտանիայի խորհրդարանը:

Hayatsk.info-ն հայտնում է, որ այդ մասին ասված Է Եվրախորհրդարանի հայտարարության մեջ:

«Խորհրդարանը հիշեցրել Է, որ ինքը համաձայնության շուրջ քվեարկություն չի անցկացնի այնքան ժամանակ, քանի դեռ Մեծ Բրիտանիայի խորհրդարանը հավանություն չի տվել ԵՄ-ի հետ պայմանագրին»,-նշվում Է դրանում:

Հոկտեմբերի 17-ին հայտնի Է դարձել, որ Եվրամիության եւ Մեծ Բրիտանիայի բանակցորդները ԵՄ-ի պետությունների ղեկավարների գագաթնաժողովից առաջ համաձայնության են հասել միությունից երկրի դուրս գալու պայմանների շուրջ: «Եթե կա կամք, կա նաեւ համաձայնություն, եւ մենք այն ունենք: Դա արդարացի ու հավասարակշռված համաձայնագիր Է ԵՄ-ի եւ Միացյալ Թագավորության համար… Ես առաջարկում եմ գագաթնաժողովին՝ ընդունել այդ գործարքը»,-գրել Է Եվրահանձնաժողովի ղեկավար Ժան Կլոդ Յունկերի Twitter-ում:

Մեծ Բրիտանիայի վարչապետ Բորիս Ջոնսոնը հավաստել Է, որ ԵՄ-ի հետ նոր համաձայնության Է հասել Brexit-ի շուրջ եւ կոչ Է արել խորհրդարանին՜ հոկտեմբերի 19-ին պաշտպանել փաստաթուղթը: «Մենք գերազանց նոր համաձայնագրի ենք հասել, որը Մեծ Բրիտանիայի ձեռքն Է հանձնում իր գործերի նկատմամբ հսկողությունը: Այժմ խորհրդարանը պետք Է շաբաթն օրն ապահովի Brexit-ը, որպեսզի մենք կարողանանք զբաղվել այլ առաջնային հարցերով»,-գրել Է Ջոնսոնը Twitter-ում:

Մեծ Բրիտանիան պետք Է Եվրամիությունը լքի հոկտեմբերի 31-ին: Շաբաթ օրը երկրի խորհրդարանը, ինչպես սպասվում Է, կքվեարկի նոր համաձայնագրի շուրջ:

Hayatsk.info

Հեշթեգներ: Brexit  


Վերնագիրի այլ պիտակները