Թրամփը որոշել է «Մեծ յոթնյակի» հաջորդ գագաթնաժողովն անցկացնել իր գոլֆի ակումբում

09:44   18 Հոկտեմբեր 2019    309

ԱՄՆ նախագահ Դոնալդ Թրամփի վարչակազմը հաղորդել է, որ 2020-ի հունիսին «Մեծ յոթնյակի» գագաթնաժողովը Թրամփը կանցկացնի Մայամիի մերձակայքում գտնվող իր «Դորալ» գոլֆ ակումբում:

Սպիտակ տան աշխատակազմի ղեկավար Միկ Մուլվան նշել է, որ գոլֆի ակումբում գագաթնաժողով անցկացնելը չի հակասում ԱՄՆ Սահմանադրությանը, ինչը նախագահին արգելում է շահույթ ստանալ օտարերկրյա կառավարություններից: Նրա խոսքերով, Թրամփը շահույթ չի ստանա այդ միջոցառումից, տեղեկացնում է Hayatsk.info-ն:

National Doral Miami-ն գտնվում է Մայամիի օդանավակայանից 13 կմ հեռավորության վրա: Կանադայի, Ֆրանսիայի, Գերմանիայի, Իտալիայի, Ճապոնիայի, Մեծ Բրիտանիայի և Միացյալ Նահանգների առաջնորդների հանդիպումը նշանակված է 2020-ի հունիսի 10-12-ին:

Hayatsk.info

Հեշթեգներ: Աշխարհ    


Վերնագիրի այլ պիտակները