Boeing-ը NASA-ին ներկայացրել է Լուսնի վրա աստղանավորդների իջեցման ապարատի նախագիծը

22:15   07 Նոյեմբեր 2019    325

Ամերիկյան Boeing կորպորացիան ԱՄՆ Օդագնացության և տիեզերական տարածության հետազոտման ազգային վարչությանն (NASA) է ներկայացրել Լուսնի մակերեւույթին աստղանավորդների իջեցման ապարատի նախագիծը, ասվում է Boeing-ի կայքում հրապարակված զեկույցում:

Մոդուլը, որը կրում է Human Lander System (HLS) աշխատանքային անվանումը, բաղկացած է երկու մասից, որոնցից մեկը պատասանատու է Երկրի արբանյակի մակերեւույթ իջեցման համար, իսկ մյուսն՝ ուղեծիր բարձրանալու համար: Boeing-ի մասնագետների մտահղացման համաձայն՝ երկու բաղադրիչները պլանավորվում է արձակել Space Launch System մեկ ծանր տանող հրթիռով, տեղեկացնում է Hayatsk.info-ն:

Կորպորացիայում նշել են, որ ապարատը կարելի կլինի կցել NASA-ի պատվերով մշակվող Gateway լուսնաշուրջ կայանի կամ Orion տիեզերանավերի հետ, որոնք ստեղծում է Lockheed Martin ընկերությունը:

NASA-ն գարնանը հայտարարել է, որ Լուսնի յուրացման նոր ծրագիրն ստացել է Artemis անվանումը: Այն բաղկացած կլինի երեք փուլից. առաջինը (Artemis 1) նախատեսում է Space Launch System ծանր հրթիռի վրա տեղակայված Orion տիեզերանավի անօդաչուավոր թռիչք Լուսնի շուրջը և դրա վերադարձը Երկիր, այդ փուլը պլանավորված է 2020 թվականի երկրորդ կեսին:

Hayatsk.info

Հեշթեգներ: Աշխարհ    


Վերնագիրի այլ պիտակները