Ցուցարարներն արգելափակում են տրանսպորտի երթեւեկությունը Հոնկոնգի գործարար կենտրոնում

11:38   12 Նոյեմբեր 2019    203

Հոնկոնգում հակակառավարական ցուցարարներն ուսանողական երիտասարդության թվից նոյեմբերի 12-ին շարունակում են փողոցային ակցիաները՝մեգապոլիսում տրանսպորտային կոլապս ստեղծելու նպատակով:

Ներկայումս նրանք փորձում են շրջափակել ճանապարհները քաղաքի գործարար կենտրոնում՝ Central շրջանում, որտեղ կենտրոնացած են բանկերի եւ ֆինանսական ընկերությունների գրասենյակները:

Դիմակավոր արմատականները երթեւեկելի մաս են նետում աղբարկղներ, ճանապարհային կոներ, մեխեր, ջարդում են լուսացույցները:

Ոստիկանական կարգախմբերը փորձեր են ձեռնարկում ցրելու ցուցարարներին եւ աստիճանաբար մաքրում են ճանապարհները բարիկադներից: Ըստ որում ոստիկանությունը ձեռնպահ Է մնում արցունքաբեր գազի կիրառումից գործարար կենտրոնում մարդկանց կուտակման պատճառով. տասնյակ հազարավոր գրասենյակային աշխատողներ են դուրս եկել փողոցներ ճաշի ընդմիջման ժամին:

Անկարգություններ են տեղի ունենում նաեւ քաղաքի այլ շրջաներում, այդ թվում ուսանողական ավանների շուրջը: Տրանսպորտային քաոսի պատճառով չեղյալ են հայտարարվել պարապմունքները շատ դպրոցներում եւ համալսարաններում: Խախտվել Է ավտոբուսների երթեւեկությունը տասնյակ երթուղիերով եւ մետրոյի ախատանքը:

Նոյեմբերի 11-ից քաղաքն անկարգությունների նոր ալիք Է ընդգրկել, որոնց մասնակիցները տարբեր շրջաններում արգելափակում են ճանապարհները՝ փորձելով տրանսպորտային կոլապս ստեղեծել: Տարբեր միջադեպերի ընթացքում վիրավորվել Է ավելի քան 60 մարդ:

Երկու տուժաներ գտնվում են օրհասական վիճակում, ներառյալ քոլեջի մի 21-ամյա ուսանող, որը հրազենի վերք Է ստացել փորին:

Հոնկոնգի վարչակազմի ղեկավար Քերի Լամն ընդգծել Է, որ ցուցարարները բռնության միջոցով չեն հասնի իրենց նպատակներին:

Hayatsk.info

Հեշթեգներ: Հոնկոնգ  


Վերնագիրի այլ պիտակները