Բելգիացի գեղանկարիչ Ռենե Մագրիտի կտավը վաճառվել է մոտ 20 մլն դոլարով

13:34   14 Նոյեմբեր 2019    280

Բելգիացի գեղանկարիչ Ռենե Մարգրիտի աշխատանքներից մեկը Christie’s աճուրդում վաճառվել է 19.6 մլն դոլարով:

Hayatsk.info-ն հայտնում է, որ երեկոյան աճուրդում ներկայացված են եղել իմպրեսիոնիզմի և մոդեռնիզմի մաս կազմող արվեստի գործերը, որոնց վաճառքից, ընդհանուր առմամբ, 191.9 մլն դոլար է ստացվել: Վաճառվել է 53 առարկա:

Ամենաթանկարժեքը դրանց շարքում Ռենե Մագրիտի «Սեպտեմբերի 16» անունը կրող կտավն է: Գնորդն աճուրդին մասնակցել է հեռախոսով: Նախապես նկարը գնահատվում էր 7-10 մլն դոլար:

Կտավը գեղանկարիչը հեղինակել է 1957-ին: Այն Մագրիտի ամենամեծ կտավն է՝ 162 սմ բարձրությամբ և 130.2 սմ լայնությամբ:

Այն մեկ անգամ աճուրդի էր հանվել Sotheby’s-ի կողմից 2005-ին, սակայն վաճառել չէր հաջողվել:

Hayatsk.info

Հեշթեգներ: Աշխարհ    


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են