Թբիլիսիի միակ աղբավայրը կվերածվի գազի արդյունահանման կենտրոնի

11:13   21 Նոյեմբեր 2019    230

Թբիլիսիի ծայրամասում գտնվող Լիլո գյուղի աղբավայրը կարող է երկու տարվա ընթացքում վերածվել գազի արդյունահանման աղբյուրի:

Թբիլիսիի քաղաքապետարանն առաջիկա օրերին կհայտարարի մրցույթ ՝ Լիլո աղբավայրում գազի արդյունահանման համալիր նախագծելու և կառուցելու համար:

Hayatsk.info-ն հայտնում է, որ այդ մասին հայտարարել է քաղաքապետ Կախա Կալաձեն՝ քաղաքային կառավարման նիստում:

Այսօր Թբիլիսիում կա ընդամենը մեկ աղբավայր, որտեղ տեղափոխվում են ողջ թափոնները, թեև այն մասամբ փակ է, քանի որ մեծ անհանգստություն է առաջացնում շրջակա գյուղերի բնակիչների մոտ։

Ըստ հայեցակարգի ՝ աղբը քայքայելու արդյունքում ստացված գազը պետք է կուտակվի մեկ վայրում։

«Դա կլինի մոտավորապես երկամյա նախագիծ, որի վրա կծախսվի 50-60 միլիոն լարի: Այդ ուղղությամբ «Тбилсервисгруп»- ի ղեկավարը լուրջ մարտահրավերների առաջ է կանգնած: Կարծում եմ՝ համատեղ ջանքերով կարող ենք դրանք հաղթահարել և ժամանակին իրականացնել նախագիծը», – ասել է Կալաձե:

Նրա խոսքով ՝ ծրագրի իրականացումը կապահովի աղբավայրի բնականոն գործունեությունը, որն էլ իր հերթին կնպաստի մայրաքաղաքի շրջակա միջավայրի բարելավմանը:

Աղբավայրերի հարցը Թբիլիսիի հողային կառավարման ծրագրի նախագծի կարևորագույն խնդիրներից մեկն է, որը, ի թիվս այլ հարցերի՝ ուղղված է քաղաքում շրջակա միջավայրի իրավիճակի բարելավմանը:

Hayatsk.info

Հեշթեգներ: Թբիլիսի  


Վերնագիրի այլ պիտակները