Իրանում պառլամենտական ընտրությանը 15,5 հազար մարդ գրանցվել է որպես թեկնածու

20:30   08 Դեկտեմբեր 2019    350

Իրանում խորհրդարանական ընտրություններին որպես թեկնածու գրանցվել է ավելի քան 15,5 հազար մարդ. ընտրություններն անցկացվելու են 2020 թվականի փետրվարին, նշված է երկրի ՆԳՆ կայքում տեղադրված հաղորդագրության մեջ:

«Ինչպես կանխատեսել էինք, գրանցվածների ընդհանուր թիվը 15 618 մարդ էր»,- ասել է Իրանի ներքին գործերի փոխնախարար և երկրի ընտրությունների անցկացման շտաբի պետ Ջամալ Արեֆը: Ըստ նրա՝ ընտրություններին մասնակցելու համար գրանցված մարդկանց ընդհանուր թվի 88% -ը տղամարդիկ են, 12% -ը՝ կանայք, տեղեկացնում է Hayatsk.info-ն:

Մասնակիցների գրանցումը սկսվել է դեկտեմբերի 1-ին և տևել յոթ օր՝ ավարտվելով դեկտեմբերի 7-ին: Գրանցումից հետո Սահմանադրության պաշտպանության խորհուրդը կդիտարկի բոլոր մասնակիցների սահմանադրական չափանիշներին համապատասխանությունը: Իրանի միապալատ 290 տեղ ունեցող խորհրդարանի ընտրություններն անցկացվում են չորս տարին մեկ անգամ և նշանակված են 2020 թվականի փետրվարի 21-ին:

Hayatsk.info

Հեշթեգներ: Իրան   Աշխարհ  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են