Փոմպեոն եւ Լավրովը դեկտեմբերի 10-ին հանդիպում կանցկացնեն Վաշինգտոնում

10:24   09 Դեկտեմբեր 2019    418

ԱՄՆ-ի պետքարտուղար Մայքլ Փոմպեոն Ռուսաստանի արտաքին գործերի նախարար Սերգեյ Լավրովի հետ կհանդիպի դեկտեմբերի 10-ին Վաշինգտոնում:

Hayatsk.info-ն հայտնում է, որ այդ մասին ասված Է Պետդեպարտամենտի՝ դեկտեմբերի 8-ին տարածված ժամանակացույցում:

Ավելի վաղ ազգային անվտանգության հարցերով ԱՄՆ-ի նախագահի օգնական Ռոբերտ Օ’Բրայենը CBS հեռուստաալիքին հայտնել Է, որ չի բացառում նաեւ Լավրովի հանդիպումն ԱՄՆ-ի նախագահ Դոնալդ Թրամփի հետ: Օ’Բրայենը նաեւ նշել Է, որ հանդիպման դեպքում Թրամփը եւ Լավրովը «կքննարկեն սպառազինությունների նկատմամբ վերահսկողության թեման»:

Մինչ այդ The Washington Post թերթը, վկայակոչելով ԱՄՆ-ի վարչակազմի ներկայացուցիչների, հայտնել Է, որ Փոմպեոն մտադիր Է դեկտեմբերի 10-ին Լավրովի հետ քննարկել երկկողմ հարաբերությունները, սպառազինությունների նկատմամբ վերահսկողությունը, Սիրիայի եւ Ուկրաինայի իրադրությունը: Վերջին անգամ ՌԴ-ի արտգործնախարարության ղեկավարը Վաշինգտոն Է այցելել 2017 թվականին, եւ այն ժանանակ նրան ընդունել Է ԱՄՆ-ի նախագահ Դոնալդ Թրամփը:

Hayatsk.info

Հեշթեգներ: Փոմպեո   Լավրով  


Վերնագիրի այլ պիտակները