Չինաստանի բոլոր պետական կառույցներին կարգադրվել է ազատվել օտարերկրյա ծագման համակարգչային սարքավորումներից

14:07   09 Դեկտեմբեր 2019    349

Չինաստանի Կոմունիստական կուսակցության կենտրոնական գրասենյակը կարգադրել է բոլոր պետական կառույցներից և հանրային ինստիտուտներից հեռացնել օտարերկրյա ծագման բոլոր համակարգչային սարքավորումներն ու ծրագրակազմերը:

Ինչպես հայտնում է The Guardian-ը, գործընթացը պետք է իրականացվի երեք տարվա ընթացքում: Ենթադրվում է, որ փոխարինվելու է 20-30 մլն միավոր տեխնիկա: Աշխատանքները մեկնարկելու են 2020թ.:

Աղբյուրը նկատում է, որ այս քայլն առավելապես ուղղված է ամերիկյան HP, Dell և Microsoft ընկերությունների դեմ ու Վաշինգտոնի կողմից չինական տեխնոլոգիաների օգտագործման սահմանափակմանը, ԱՄՆ-ի և Չինաստանի միջև «առևտրային և տեխնոլոգիական սառը պատերազմին» պատասխան քայլ է:

Ավելի վաղ ԱՄՆ նախագահ Դոնալդ Թրամփն ամերիկյան ընկերություններին արգելել էր բիզնես վարել չինական Huawei ընկերության հետ:

Hayatsk.info

Հեշթեգներ: Չինաստան  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են