Իրանի կառավարությունը հերքել է ցույցերի ընթացքում 1000 զոհերի մասին ԱՄՆ-ի տվյալները

17:00   09 Դեկտեմբեր 2019    339

Իրանում տեղի ունեցած բողոքի ցույցերի ընթացքում հազար զոհերի մասին ԱՄՆ-ի իշխանությունների տարածած տվյալները չեն համապատասխանում իրականությանը:

Hayatsk.info-ն հայտնում է, որ այս մասին հայտարարել է Իրանի կառավարության պաշտոնական ներկայացուցիչ ԱլիՌաբիին՝ հավելելով, որ Վաշինգթոնը այդ տեղեկությունը հաստատող որևէ ապացույց չունի:

Դեկտեմբերի 5-ին Իրանի խնդրով ԱՄՆ-ի հատուկ ներկայացուցիչ Բրայան Հուքը հայտարարել էր, որ Թեհրանը պատասխանատվություն է կրում բողոքի ակցիաների մոտ հազար մասնակցի սպանության համար։

Նույն օրը Իսլամական Հանրապետության գերագույն ղեկավար այաթոլլա Ալի Խամենեին հայտարարել էր, որ Իրանում բողոքի ցույցերի անմեղ զոհերը պետք է համարվեն նահատակներ, իսկ նրանց ընտանիքներին անհրաժեշտ է փոխհատուցում վճարել:

Ի դեպ, օրերս Իրանի նախագահ Հասան Ռոհանին հայտարարել էր, որ բենզինի գների բարձրացման դեմ բողոքի ակցիաների ընթացքում ձերբակալված մարդիկ պետք Է ազատ արձակվեն:

Hayatsk.info

Հեշթեգներ: Իրան   ԱՄՆ  


Վերնագիրի այլ պիտակները