Մեծ Բրիտանիայում լեյբորիստների առաջնորդը հայտարարել է պաշտոնը թողնելու մտադրության մասին

12:17   13 Դեկտեմբեր 2019    307

Մեծ Բրիտանիայի Լեյբորիստական կուսակցության ղեկավար Ջերեմի Քորբինը կայացած խորհրդարանական ընտրություններում կրած պարտությունից հետո հայտարարել է ապագայում պաշտոնը թողնելու որոշման մասին, գրում է The Guardian-ը:

Հայտնի է, որ ընտրություններում պատմական հաղթանակ է տարել վարչապետ Բորիս Ջոնսոնի Պահպանողական կուսակցությունը, որն առավել թվով ձայներ է ստացել նույնիսկ այն վայրերում, որտեղ ավանդաբար հաղթում էին լեյբորիստները:

Իր ելույթում Քորբինը խոստովանել է, որ հիասթափված է ընտրությունների արդյունքներից: Քաղաքական գործչի խոսքով՝ պարտության համար մասամբ մեղավոր է նաև մեդիան, որը բացասական լույսի ներքո է ներկայացրել թե՛ իրեն, թե՛ իր կուսակցությանը:

«Մեր կուսակցության արձանագրած արդյունքները շատ հիասթափեցնող են: Հաջորդ խորհրդարանական ընտրություններում չեմ առաջնորդի կուսակցությունը»,- ասել է Քորբինը՝ հավելելով, որ կպահպանի խորհրդարանում իր տեղը:

Hayatsk.info

Հեշթեգներ: Բրիտանիա  


Վերնագիրի այլ պիտակները